ОБЈАВЕНО НА  31 ОКТОМВРИ 2023  ОД ADMIN

Денеска се одржи завршната конференција на Мрежата за заштита од дискриминација, насловена „Разбивање стереотипи, разоткривање невистини и трасирање на патот за родова еднаквост“.

Конференцијата ја посветивме на потребите од унапредување на родовата еднаквост во време на намалена политичка волја и антиродови кампањи кои сѐ повеќе го наметнуваат дискурсот служејќи се со пропаганда, дезинформации и говор на омраза.

– На првиот панел зборувавме за дискриминацијата кон жените од руралните средини, со фокус на нивното исклучување од правото на платено отсуство поради раѓање, бременост, мајчинство, болест и повреда.

На панелот го промовиравме документарното видео изработено во соработка со Види Вака „Земјоделки- светулки на маката и ги презентиравме клучните наоди и заклучоци од анализата „Меѓународни стандарди и компаративни практики за остварување на правото на парични надоместоци заради привремена спреченост за работа поради болест, повреда, бременост, раѓање и мајчинство“.

И покрај тоа што повеќе од 70 здруженија и мрежи побараа законско решавање на овој проблем, Комисијата за спречување и заштита од дискриминација утвдри дискриминација и препорача на надлежните министерства да направат законски измени, а Собранието едногласно го поддржа законското решение, веќе пола година Комисијата за здравство не го става законот на дневен ред.

– Вториот панел, насловен „Влијанието на антиродовите кампањи кон политиките за унапредување на родовата еднаквост“, имаше за цел да ја прикаже состојбата со антиродовите движења и опасностите од нивното влијание кон политиките за родова еднаквост и недискриминација.

– Кревката политичка волја по прашањата за родова еднаквост дополнително исчезна под влијание на антиродовите дивижења, каде Македонската православна црква ја гледаме како клучен актер.

Оттука, на панелот дискутиравме за потребите од дополнителна мобилизација и градење на резилиентност на движењето за родова еднаквост и донесувачите на одлуки со цел продолжување на напорите за унапредување на женските права, сексуалното и репродуктивно здравје и правата на ЛГБТИ луѓето.

ОБЈАВЕНО ВО  ВЕСТИ / НАСТАНИ / НОВОСТИ

ОБЈАВЕНО НА  20 ОКТОМВРИ 2023  ОД ADMIN

Мрежата за заштита од дискриминација Ве поканува на конференција на 30.10.2023 (понеделник) со почеток од 10.00 часот во хотел Арка, Скопје. Конференција е посветена на потребите од унапредување на родовата еднаквост во време на намалена политичка волја и антиродови кампањи кои сѐ повеќе го наметнуваат дискурсот служејќи се со пропаганда, дезинформации и говор на омраза.

На првиот панел ќе зборуваме за дискриминацијата кон жените од руралните средини, со фокус на нивното исклучување од правото на платено отсуство поради раѓање, бременост, мајчинство, болест и повреда. На панелот ќе биде промовирано документарното видео изработено во соработка со Види Вака „Земјоделки- светулки на маката и ќе бидат презентирани клучните наоди и заклучоци од анализата „Меѓународни стандарди и компаративни практики за остварување на правото на парични надоместоци заради привремена спреченост за работа поради болест, повреда, бременост, раѓање и мајчинство“. И покрај тоа што повеќе од 70 здруженија и мрежи побараа законско решавање на овој проблем, Комисијата за спречување и заштита од дискриминација утвдри дискриминација и препорача на надлежните министерства да направат законски измени, а Собранието едногласно го поддржа законското решение, веќе пола година Комисијата за здравство не го става законот на дневен ред.

Вториот панел е насловен „Влијанието на антиродовите кампањи кон политиките за унапредување на родовата еднаквост“ и има за цел да ја прикаже состојбата со антиродовите движења и опасностите од нивното влијание кон политиките за родова еднаквост и недискриминација. Кревката политичка волја по прашањата за родова еднаквост дополнително исчезна под влијание на антиродовите дивижења, каде Македонската православна црква ја гледаме како клучен актер. Оттука, на панелот ќе се дискутира за потребите од дополнителна мобилизација и градење на резилиентност на движењето за родова еднаквост и донесувачите на одлуки со цел продолжување на напорите за унапредување на женските права, сексуалното и репродуктивно здравје и правата на ЛГБТИ луѓето. За повеќе информации обратете ни се на mrezazazastitaoddiskriminacija@gmail.com или на 023214269.

10.00- 10.30  Воведни говори

Александра Цветановска, претседателка на Македонско здружение на млади правници

Уранија Пировска, извршна директорка на Хелсиншки Комитет 

Исмаил Камбери, претседател на Комисија за спречување и заштита од дискриминација 

10.30- 12.00 Панел 1: Заштита од дискриминација на жените од руралните средини

Промоција на документарно видео изработено во соработка со Види Вака „Земјоделки- светулки на маката“ (20 мин.)

Состојбата со правата на земјоделците во РСМ: аспект на социјални, работнички права и родова еднаквост– Неда Чаловска, независна експертка (10 мин.)

Презентација на клучните наоди и заклучоци од анализата „Меѓународни стандарди и компаративни практики за остварување на правото на парични надоместоци заради привремена спреченост за работа поради болест, повреда, бременост, раѓање и мајчинство“- м-р Гоце Коцевски, програмски директор, Македонско здружение на млади правници (10 мин.)

Системска дискриминација и родова нееднаквост на жените во руралните средини од аспект на правото за човекови права- д-р Гордана Сиљановска Давкова, претседателка на Комисија за еднакви можности на мажите и жените, Собрание на Р.С.Македонија (10 мин.) – tbc

Унапредување на правата на земјоделките и постигнување родова еднаквост во руралните средини преку измени на законодавството –  Лолита Ристова, претседателка на Клуб на пратенички, Собрание на Р.С.Македонија (10 мин.) – tbc

Модераторка: Марина Тошеска, ЛАГ Агро Лидер 

12.00 – 12.30 Кафе пауза

12.30- 13.30 Панел 2: Влијанието на антиродовите кампањи кон политиките за унапредување на родовата еднаквост

Политики на страв и морална паника во контекст на антиродова мобилизација. Вовед во стратегиите, дискурсите и застапувачки успеси на антиридоивите движења во Р.С.Македонија – д- р Ирена Цветковиќ, извршна директорка на Коалиција Маргини

Кој им мисли добро на децата? Влијанието на антиродовите движења во образовните политики и психо-социјалниот развој на децата – д-р Ана Блажева, психолог и психотерапевт „Псиохотерапика“

Политики за родова еднаквост по мерка на верските заедница. Дали е можно креаторите на политики да одолеат на антиродовата пропаганда?- Санела Шкријељ, пратеничка во Собранието на Р.С. Македонија

Улогата на телата за еднаквост во спротиставување на влијанието на антиродовите движења– Игор Јадровски, член на Комисија за спречување и заштита од дискриминација 

Модераторка: м-р Драгана Дрндаревска, Коалиција Маргини 13.30 Коктел

ОБЈАВЕНО ВО  ВЕСТИ / НАСТАНИ / НОВОСТИ

ОБЈАВЕНО НА  17 ОКТОМВРИ 2023  ОД ADMIN

ЛАГ Агро Лидер во соработка со Мрежата за дискриминација на 16.10.2023 во Градската Библиотека „Борка Талески“ во Прилеп ја одржаа конференцијата „Социјални, здравствени права и родова еднаквост во руралните средини“ во рамките на глобалното одбележување на 15ти Октомври – Меѓународниот ден на руралните жени.

На конференцијата беше промовирано документарното видео „Земјоделки- светулки на маката“ изработено во соработка со Види Вака.

Целта на конференцијата е да ги претстави состојбите со дискриминација во пристапот до здравствени и социјални права и родова еднаквост во руралните средини. Земјоделките сѐ уште немаат право на платено породилно отсуство и покрај тоа што Собранието во мај оваа година едногласно ја изгласа потребата од донесување на „Предлог на закон за измени и дополнување на Законот за здравствено осигурување“ со кој се овозможува платено породилно отсуство за земјоделки. Земјоделци(ки)те немаат нити право на платено отсуство поради болест и повреда на работно место, додека земјоделството претставува високо ризична и тешка професија со бројни последици при здравјето.

На конференцијата се обратија претставници на граѓански организации односно преглед на СОСТОЈБАТА СО ПРАВАТА НА ЗЕМЈОДЕЛЦИТЕ ВО РСМ:

АСПЕКТ НА СОЦИЈАЛНИ, РАБОТНИЧКИ ПРАВА И РОДОВА ЕДНАКВОСТ беше даден од Неда Чаловска, независна експертка

КЛУЧНИТЕ НАОДИ И ЗАКЛУЧОЦИ ОД АНАЛИЗАТА „МЕЃУНАРОДНИ СТАНДАРДИ И КОМПАРАТИВНИ ПРАКТИКИ ЗА ОСТВАРУВАЊЕ НА ПРАВОТО НА ПАРИЧНИ НАДОМЕСТОЦИ ЗАРАДИ ПРИВРЕМЕНА СПРЕЧЕНОСТ ЗА РАБОТА ПОРАДИ БОЛЕСТ, ПОВРЕДА, БРЕМЕНОСТ, РАЃАЊЕ И МАЈЧИНСТВО“ изработена од Мрежата за заштита од дискриминација ги презентираше м-р Гоце Коцевски, од Македонско здружение на млади правници

Свое излагање за ПРАВАТА НА ЗЕМЈОДЕЛКИТЕ НИЗ ПРИЗМА НА МЕЃУНАРОДНИТЕ ОБВРСКИ НА РСМ (КОНВЕНЦИЈА ЗА ЕМИЛИНАЦИЈА НА СИТЕ ФОРМИ НА ДИСКРИМИНАЦИЈА ВРЗ ЖЕНИТЕ) имаше Стојан Мишев, од Здружение за еманципација, солидарност и еднаквост на жените – ЕСЕ

А за УНАПРЕДУВАЊЕ НА ЗАКОНСКАТА РАМКА СО ЦЕЛ СПРЕЧУВАЊЕ И ЗАШТИТА ОД ДИСКРИМИНАЦИЈА КОН ЗЕМЈОДЕЛЦИТЕ/КИТЕ говореше м- р Драгана Дрндаревска, од Коалиција Маргини

Оваа конференција е апел до креаторите на политики да ја препознаат критичната улога и придонесот на руралните жени во зајакнувањето на земјоделскиот и руралниот развој, и да обезбедат заштита од дискриминација, еднаков пристап до права – како право на породилно отсуство, право на боледување, и да инвестираат во политичко и социо-економско зајакнување на руралните жени поддржувајќи го нивното целосно и рамноправно учество во одлучувањето на сите нивоа

ОБЈАВЕНО ВО  ВЕСТИ / НАСТАНИ 

ОБЈАВЕНО НА  10 ОКТОМВРИ 2023  ОД ADMIN

Мрежата за заштита од дискриминација и Хелсиншкиот комитет за човекови права спроведоа дводневна работилница за креативен младински активизам во Велес, на 5 и 6 октомври. Темите на работилницата беа толеранцијата, заемното почитување и недискриминацијата. Преку предавање за арт активизмот, интерактивни вежби и дискусии, учесниците се запознаа со концептот на креативен активизам и како преку креативни акции може да се предизвикаат промени во општеството. Учесниците лоцираа локални проблеми во нивните општини, кои ќе бидат цел на нивните креативни акции кои ќе бидат поставени во јавен простор.

Предавач беше македонскиот уметник Ѓорѓе Јовановиќ. На работилницата учествуваа млади на возраст од 18 до 30 години од Кривогаштани, Прилеп, Кочани,  Градско и Кавадарци кои се пријавија на претходно објавениот повик за учество.

Работилницата беше организирана во рамки на проектот „Видливи, здружени и гласни – Акција за еднаквост и недискриминација преку учество и мултисекторска соработка“ спроведуван од страна на Коалицијата МАРГИНИ, Македонското здружение на млади правници, Хелсиншкиот комитет за човекови права, ЛАГ Вардар Лидер и Комисијата за спречување и заштита од дискриминација во рамки на програмата Цивика Мобилитас.

ОБЈАВЕНО ВО  НАСТАНИ / НОВОСТИ

ОБЈАВЕНО НА  10 ОКТОМВРИ 2023  ОД ADMIN

Мрежата за заштита од дискриминација и ЛАГ Агро Лидер Кривогаштани Ве покануваат на конференција по повод меѓународниот ден на руралната жена. Конференцијата ќе се одржи во градската библиотека „Борка Талекси“ во Прилеп на 16.10.2023 (понеделник) со почеток во 10.30 часот.

Целта на конференцијата е да ги претстави состојбите со дискриминација во пристапот до здравствени и социјални права и родова еднаквост во руралните средини. Земјоделките сѐ уште немаат право на платено породилно отсуство и покрај тоа што Собранието во мај оваа година едногласно ја изгласа потребата од донесување на „Предлог на закон за измени и дополнување на Законот за здравствено осигурување“ со кој се овозможува платено породилно отсуство за земјоделки. Земјоделци(ки)те немаат нити право на платено отсуство поради болест и повреда на работно место, додека земјоделството претставува високо ризична и тешка професија со бројни последици при здравјето. Руралните средини се карактеризираат и со лоша инфраструктура, недоволен број на градинки и отежнат пристап до здравствени и социјални услуги. Овие состојби, имајќи ги предвид уште поизразените патријахални вредности во руралните средини, несразмерно влијаат на жените од руралните средини чиј труд не е препознаен како работа.

На конференцијата ќе биде промовирано документарното видео „Рурални жени- светулки на маката“ изработено во соработка со Види Вака. На панел дискусијата ќе се промовира анализата „Меѓународни стандарди и компаративни практики за остварување на правото на парични надоместоци заради привремена спреченост за работа поради болест, повреда, бременост, раѓање и мајчинство“ изработена од страна на Мрежата за заштита од дискриминација. Оттука, конференцијата има за цел да апелира за законски измени и итно преземање на мерки за унапредување на состојбата со човековите права на луѓето од руралните средини, имајќи ги предвид родовите бариери. Ќе ни преставува задоволство доколку присуствувате и дадете Ваш придонес во дискусиите и заклучоците од конференцијата.

ОБЈАВЕНО ВО  ВЕСТИ / НАСТАНИ / НОВОСТИ

ОБЈАВЕНО НА  10 МАЈ 2023  ОД ADMIN

Веста е преземена од ТВМ Охрид

На 05.05.2023 во просториите на Младинскиот центар во Охрид, претставници на Комисијата за спречување и заштита од дискриминација, пред претставниците од локалната самоуправа и невладиниот сектор, го промовираа Закон за спречување и заштита од дискриминација.

Мал е бројот на претставки од граѓаните од внатрешноста до Комисијата за спречување и заштита од дискриминација. Според комисијата на ниво на држава најдискриминирана е ЛГБТ заедницата во областа на медиумите и јавното информирање, каде граѓаните кои имаат пристап пример на социјалните мрежи како фејсбук и шират говор на омраза спрема припадниците на оваа заедница. Потоа следува дискриминацијата на работното место и дискриминацијата по основ на политичка определеност, особено во јавниот сектор. Само дваесетина претставки во изминатиов период се нотирани од охридскиот регион вели претседателот на Комисијата Исмаил Камбери.

„За жал во овој регион, Охрид, Струга имаме многу мал претставки, највеќе 20 дали има. Целта е да се запознаат граѓаните како да преознаат дискриманицја бидејќи некој може да биде дискриминиран а да не знае дека е дискриминиран. Во принцип се во областа на работата и работните односи и имаме неколку само во однос на социјалните мрежи дикриминаторски односи врз различни основи.“ – кажа Исмаил Камбери – претседател на Комисијата заа спречување и заштита од дискриминација.

Кога Комисијата утврди мислење дека постои дискриминација, дава препорака за отстранување на дискриминацијата. Таа препорака има рок од 1-6 месеци. Доколку дискриманаторот не постапи по препораката Комисијата покреннува прекршочна постапка кон дискримнаторот. Казните се од 15-400 евра за физичко лице до 10.000 евра за правно лице. Но законите не треба да останат на хартија . Доколку сакаме да градиме здраво општество овие закони мора да се имплементираат вели Јулијана Настоска Петреска – социјален работник. Целната група со која ние работиме, вели Петреска доста е запознаена со тоа што е дискриминација и кои се нивните права.

„Сме имале доста примери на дискриминација особено во здравствениот сектор бидејќи самиот факт дека станува збор за зависници од дрога и сексуални работнички, ако се дознае во мала средина како Охрид автоматски се дискриминирани и се случува да не можат да добијат здравствени услуги бидејќи се од таа целна група.“– Јулијана Настоска Петреска – социјален работник НВО Опција.

Инаку во нашата земја дискриминацијата е забранета со уставот и Законите, како и со посебниот Закон за спречување и заштита од дискриминација.

На денешната трибина за унапредување на пристапот до заштита од дискриминација во општина Охрид во организација на здружението Опција, присуствуваше и Градоначалникот Кирил Пецаков, кој потенцираше дека креирањето на еднакво и праведно општество, е од суштинска важност за позитивен развој на локалните заедници,но и на државата во целост. 

„Мора да се потрудиме да ги учиме и воспитуваме идните генерации на поголема, емпатија љубезност и соживот. Само така ќе знаеме дека сме на вистинскиот пат и дека градиме подобар свет за сите нас. А, Општина Охрид и понатаму ќе продолжи да биде отворена за соработка да ги слушне потребите , да реалзиира проекти за поголема социјална правда но и сигурност.“ – кажа градоначалникот Пецаков. 

Трибината во Охрид насловена „Здружени и гласни за општество без дискриминација, имаше за цел промоција на Законот за спречување и заштита од дискриминација за охрабрување на локалното население да ги пријавува случаите на дискриминација за градење поеднакво и поправедно општество за сите без предрасуди. Трибината е организирана во рамките на проектот „Видливи, здружени и гласни“ поддржан од програмата на Цивика Мобилитас како еден вид акција за недискриминација и еднакво учество преку мулти-секторска соработка. 

ОБЈАВЕНО ВО  ВЕСТИ / НАСТАНИ / НОВОСТИ

ОБЈАВЕНО НА  3 МАЈ 2023  ОД ADMIN

Веста е преземена од Радио Пела МК

Во општина Кривогаштани na 26.04.2023 се одржа трибина за унапредување на пристапот до заштита од дискриминација во организација на Мрежата за заштита од дискриминација во соработка со ЛАГ АГРО ЛИДЕР и општина Кривогаштани.

Марина Тошеска од ЛАГ АГРО ЛИДЕР посочи дека Принципите на рамноправност и недискриминација се зацртани во Универзалната декларација за човекови права: „Сите човечки суштества се раѓаат слободни и еднакви во достоинство и права“ (член 1). Овој концепт на еднаквост во достоинството и правата е вграден во современата демократија, па така, државите се обврзани да ги заштитуваат различните малцинства и ранливи групи од нееднаквиот третман.Член 2 ја содржи слободата од дискриминација: „Сите права и слободи, прогласени во оваа Декларација, му припаѓаат на секого, без никаква разлика.“ Принципите на недискриминација се дел од Уставот на нашата држава, како и Законот за спречување и заштита од дискриминација чија цел е обезбедување на принципот на еднаквост и спречување и заштита од дискриминација во остварување на човековите права и слободи.

Г-ѓа Весна Бендевска – Претставник од Комисијата за заштита и спречување на дискриминација како независно самостојно тело основано од Собранието, информираше за работата на Комисијата, кои се нејзините одговорности, резултатите од работењето како и должностите на Комисијата во заштитата и спречувањето на дискриминацијата на граѓаните на нашата држава.

Дискриминацијата има директни последици врз оние луѓе и групи кои се дискриминирани, но, исто така, има и индиректни и длабоки последици врз општеството како целина. Општество каде дискриминацијата се дозволува или се толерира е општество каде се кршат човековите права, и луѓето се соочуваат со предизвици во остварување на нивниот целосен потенцијал за себе и за општеството.

На трибината беа споделени примери за начинот на кој дискриминацијата влијае врз човековите права, како и мерките и иницијативите кои се во тек за да се спречи дискриминацијата и да се придонесе за уживање на човековите права, еднаквост и социјална правда.

Трибината има цел да ги информира граѓаните за законската регулатива за спречување и заштита од дискриминација, како и достапните механизми за заштита од дискриминација, преку промовирање на работата на Комисијата за заштита од дискриминација до граѓанскиот сектор и институциите на локално ниво кои треба да обезбедат пристап до правда и еднакви можности на граѓаните.

Граѓаните алармираа на неколку видови на дискриминација особено насочена кон лицата со попреченост, пристапот до образование, пристапот до ресурси и услуги во руралните средини, и др.

Трибината е организирана во рамките на проектот „Видливи, здружени и гласни“ поддржан од програмата на Цивика Мобилитас како еден вид акција за недискриминација и еднакво учество преку мулти-секторска соработка.

ОБЈАВЕНО ВО  ВЕСТИ / НАСТАНИ / НОВОСТИ