Мрежа за заштита од дискриминација е неформална коалиција на граѓански организации во Северна Македонија која работи на унапредување на човековите права, еднаквоста и заштитата од дискриминација. Мрежата е основана во 2010 година со цел да обезбеди бесплатна правна помош, стратешко застапување и поддршка за лица и групи кои се соочуваат со дискриминација по која било основа. 

Главната мисија на Мрежата е да придонесе кон создавање општество во кое сите граѓани имаат еднакви права и можности, без разлика на етничка припадност, пол, родов идентитет, сексуална ориентација, попреченост, возраст, социјален статус, здравствена состојба или која било друга лична карактеристика. 

Членки на Мрежата се повеќе организации кои работат во областа на човековите права, правната заштита, родовата еднаквост и поддршката на маргинализираните заедници. Преку заедничко делување, Мрежата придонесува кон развој на поефикасен систем за превенција и заштита од дискриминација во Северна Македонија.